Questions parlementaires

De System vum Large Scale Testing gëtt ëmgeännert sou datt deemnächst jiddereen sech kann e Rendezvous fir e gratis PCR-Test huelen. Wäerten am neie System all Test-Zentren erhale bleiwen ?

Firwat gëtt d’Regierung de Bierger net Bongen déi et hinnen erméiglecht sech am Laboratoire vun hirem Choix gratis testen ze loossen ?

Wéi héich ass de Bedarf un zousätzlechen Enseignanten fir déi kommend Joren am Enseignement fondamental ?

Wéi vill Schüler hunn am Schouljoer 2020/2021 d’Schoul ofgebrach ?

Op Basis vu wéi engen Argumenter ass d‘Decisioun geholl ginn, fir wärend engem lafenden Ausbildungszyklus de Schüler de fräie Choix tëscht Däitsch a Franséisch ze huelen an hinne Franséisch fir d‘Prüfungen z’imposéieren?

No der Annulatioun vun enger Baugeneemegung zu Diekirch, ginn d´Krittären vun der Utilité publique fir de Logement encadré iwwerschafft? Sinn et Irregularitéite bei der Ausschreiwung ginn? Wéi ass der Madamm Ministesch hier Reaktioun dorop? Si Sanktiounen dofir virgesinn?

Rappel à l’ordre an der sougenannter Affaire “casier judiciaire bis” fir de Parquet général ? Wéi eng Konsequenzen huet dat ?

Wéi evaluéiert d’Regierung d’Situatioun vum Lëtzebuerger Flughafen lo wou eng grouss Partie Restriktiounen opgehuewe gi sinn ?

Deelt d’Regierung d’Meenung datt et absolut noutwendeg ass datt Accorden ausgehandelt ginn, och fir d’Arees vun EU-Awunner an Drëttlänner ze erméiglechen unhand vum EU-Certificat?

Ass d’Regierung der Meenung datt d’Hëllefen, déi Micro-Entreprisen wärend der sanitärer Kris kruten, duer ginn ?