Méi Aktualitéit

Mam Diplom vum Technicien huet een Accès op eng Héichschoul wann een all déi virgeschriwwe Moduler (fondamentaux a préparatoire) gemeet huet. Wëll et eng grouss Demande no Leit mat esou engem Diplom um Aarbechtsmaart gëtt, freet d’CSV Deputéiert Martine Hansen wéi vill Studenten den Ament déi Etude maachen an ob een d’Moduller (préparatoire) och am Kader vum „lifelong learning“ maache kann.

Dem Gesetz vum August 2016 no bleift de Pii (de projet intégré intermédiaire) bei der Formatioun concomitant, wou de Schüler ee Léiervertrag huet an an d’Schoul geet, bestoen. Wéi et schéngt ass de Pii awer elo net an de Stonnepläng virgesinn. Firwat ass dat esou freet d’CSV Deputéiert Martine Hansen.

Zanter Uganks September gëllen d’chèques-service och fir Frontalieren an och auslännesch Strukture kënnen eng Demande maache fir den Agreement ze kréien. D’CSV Deputéiert froe wéi vill Eltren a Strukturen un de chèque-service intresséiert sinn an och ob elo net méi Kanner, déi am Ausland wunnen an de Grand-Duché wëllen an d’Schoule kommen.

Am Juli 2015 hate Regierung a Gewerkschafte festgehalen, dass d’Couren op 1ère an 13ème kéinten ëm 2 Woche verlängert ginn. D’CSV Deputéiert freet ob dat fir d’Schouljoer 2016/2017 elo esou virgesinn ass. Dee Moment hätten d’Schüler zwou Woche manner fräi Zäit fir sech op den Examen ze preparéieren.

Am Dezember zejoert hat d’Regierung ugekënnegt, dass d’Etude iwwert den Tanktourismus fäerdeg gestallt gëtt nodeems d’Pëtrolspräiser vun 2015 analyséiert goufen. Den CSV Deputéierten Marcel Oberweis freet elo ob déi Pëtrolspräisser elo disponibel sinn a wéini da mat der Etude iwwert den Tanktourismus ze rechnen ass.