Questions parlementaires

Profitéiert Fage vu steierlechen Avantagen zu Lëtzebuerg ? Huet den Här Finanzminister der Vente vum Terrain zougestëmmt ?

D’Sécherheetslag am Mali riskéiert sech ze verschlëmmeren. Wéi vill Persounen vu Lëtzebuerger ONGen befannen sech aktuell an der Regioun a wéi garantéiert d’Regierung d’Sécherheet vun deene Leit op der Plaz ? Ass séchergestallt, dass dës Persounen jee no Entwécklung vun der Situatioun direkt rapatriéiert kënne ginn?

Stëmmt et datt op verschiddenen Desinfizéierproduiten fir d’Hänn Informatiounen iwwert d’Effikassitéit baim Coronavirus feelen ?

Wat ass d’Positioun vun der Justizministesch zum Audit iwwert d’Dateveraarbechtung an der Justiz ?

Stëmmt et datt d’Schwammmeeschteren net méi vill un de Schwammcoursë vun der Primärschoul deelhuelen ? Kéint et sinn datt Sécherheet an de Schwammcoursen duerch ze wéineg forméiert Schwammmeeschteren a Gefor bruecht gëtt ?

Stëmmt et datt Patienten aus Lëtzebuerg wéinst der COVID-19 Pandemie an auslännesche Spideeler refuséiert gi sinn? Wéi gedenkt d’Regierung bei den jeeweilegen Nopeschlänner ze intervenéieren ?

D’Fourrière vun der Police zu Esch/Belval ass aus Sécherheetsgrënn mat Effet immédiat zougemaach ginn. Wat mëscht d’Regierung fir d’Police bäi der Sich no enger provisorescher Léisung ze ënnerstëtzen ? Firwat gouf net schonn 2019 mat der Sich no enger provisorescher Léisung ugefaangen ?

Verschidde Patiente brauchen Therapien mat héichdoséierten Vitaminpreparater. Wéi kann et sinn datt d’Gesondheetskeess de Remboursement vu dësen refuséiert, mam Argument datt Vitaminnen Iessergänzungsmëttele wieren a keng Medikamenter ?

Fir wat verspéit sech deen geplangten verbesserten Accès zu den Nordgemengen ? Kann de Minister fir Mobilitéit eis eng Strategie fir den ëffentlechen Transport virleeën, déi den Accès zu den Nordgemengen méi einfach mëscht ?

Wéi steet et ëm d’Recht op Informatioun iwwer medizinesch Agrëffer / Tester, respektiv dem gläichberechtegen Zougang dozou? Wéi ass et z.B. mat den PCR-Tester, deen a Behënnertestrukturen am Kontext vum Large Scale Testing duerchgefouert gouf? Kruten déi Concernéiert d’Resultater direkt matgedeelt an zwar ënnert enger Form, déi hinnen och zougänglech ass?