Questions parlementaires

Produzente vu Schwéngefleesch sinn zënter enger gewëssener Zäit mat engem enorme Präisverfall vun hirem Fleesch konfrontéiert. Ass de Minister gewellt de lëtzebuerger Produzente kuerzfristeg verstäerkt ënnert d’Aarm ze gräifen? Wei kéinten dës Hëllefen ausgesinn?

Wéi eng speziell Autorisatiounen an Derogatiounen goufen et fir d’Liwwerung vu Masken op Lëtzebuerg a koum et zu Fälschunge wat de Label ugeet?

Wien dierf iwwert d’Grenz no Däitschland a wien net? Wat gedenkt d’Regierung ze ënnerhuelen, fir datt d‘Grenze fir d‘Leit opbleiwen?

Firwat huet Lëtzebuerg d’Wäerter iwwer d’Loftverschmotzung net un d’EU Kommissioun gemeld?

Wéi gesäit d’Regierung de Spidols-System no der Kris a solle verschidden nei Technologien um legale Plang enkadréiert ginn?

Wéi eng Konsequenzen hat d’Covid-19 Pandemie fir Kriibspatienten, déi eventuell net konnte behandelt ginn?

Ginn et eventuell Unzeechen, dass eis Nopeschlänner am gaange sinn, eist Land als Risiko-Land anzestufen ? Wa jo, wéi gedenkt d’Regierung deem entgéint ze trieden ?

Ass d’Regierung net der Meenung datt en Austausch tëscht der Regierung an den eenzele Alters- a Fleegeheimer wichteg wier, fir ze koordinéiere wéi eng Mesurë wou missten oder sollte getraff gi fir d’Bewunner ze schützen?

Kann den Logementsminister eis matdeelen op un enger Moossnam geschafft gëtt wouduerch jonke Menagen a Menagë mat klengem Akommes eng Wunnengsbaualternativ ugebuede gëtt?

Geet den Delai de prescription beim sexuellen Mëssbrauch vu Kanner erop ?