Questions parlementaires

Wat sinn d’Grënn fir datte Leit déi un Inkontinenz leiden an déi iwwer 18 Joer aal sinn an net u Spina-bifida leiden, d’Käschten fir hier Wëndelen, un déi si am Alldaag ugewisen sinn, net rembourséiert kréien?

D’Presidentin vun der Lëtzebuerger Vëlosinitiativ huet proposéiert am Bus méi Plaz fir Vëloen ze schaffen. Wéi gesäit den Här Minister fir Mobilitéit dës Propositiounen? Bis wéini kéinten dës Propositiounen an d’Realitéit ëmgesat ginn?

Zanter Juli soll et eng Penurie vum medezinesche Cannabis ginn. Patienten mussen elo deelweis erëm op déi konventionell Medikamenter zeréckgräife, wat fir de mënschleche Kierper eng enorm Belaaschtung bedeit. Wat sinn d´Grënn fir déi Penurie? Wéi kann an Zukunft verhënnert ginn dass Leit hier Therapie mussen ofbriechen an erëm op staark Psychopharmaka mussen ëmsteigen?

De Samschdeg de Moien huet d’Police eng Party mat 150-190 Leit am Bambësch “Um Siwebueren” opgeléist. Vill Leit hate sech hei net un déi aktuell Sécherheetsmesure gehalen. Wéi eng konkret Strofen erwaarden déi knapp 200 Leit?

Ginn et den Ament Verspéidungen beim Verlängeren vu Führerschäiner ? Däerf eng Persoun, déi sech an der „Erneierungsprozedur“ vum Führerschäin befënnt, wou deen alen wärend der Prozedur awer ofleeft, fir eng Iwwergangsdauer weider mam Auto fueren ?

Kann d’Regierung eis d’Käschte vun der éischter Phas vun de Large Scale Tester matdeelen ? Bai der éischter Phas gouf den Optrag net ëffentlech ausgeschriwwen. Op Base vu wéi enge Krittäre sinn d’Laboratoire ausgewielt ginn, déi d’Large Scale Tester duerchgefouert hunn ?

Eng nei EU-Veruerdnung beseet datt en LKW-Fuerer deen a méi EU-Staate schafft an méi wéi 25 Prozent vu senger Aarbecht a sengem Wunnuert ausüübt, elo der Sozialversécherung vu sengem Land ënnerleit. Ass d’Regierung sech bewosst, dass dës Veruerdnung grouss finanziell Abéissen fir d’Fuerer mat sech bréngt ? Mam Wëssen datt mir schonn e Mangel un LKW-Fuerer hunn, wat gedenkt d’Regierung ze ënnerhuelen vir dës Leit ze ënnerstëtzen ?

Lëtzebuerg mëscht vill méi Coronatester wéi all anert Land an ass domat an der Schwäiz ganz knapp als Zone à risque agestuuft. Wat mëscht eis Regierung fir d’Schwäizer Autoritéiten ze iwwerzeegen, datt si Lëtzebuerg net méi sollen wéi e Risikoland behandelen ?

E Stonneplang vir d’Schoul vun 8 bis 13 Auer ass fir verschidde Gemengen och no der Pandemie duerchaus eng valabel Optioun. Géif den Educatiounsminister sou ee Stonneplang, deen vun der Gemeng zesummen mam Schoulpresident, dem Schoulpersonal an den Elteren  ausgeschafft gouf an déi 28 Stonnen respektéiert, guttheeschen ?

Den Zouwuess u Gebuerten zu Lëtzebuerg brengt e Mangel un Hiewane mat sech. Fir wat wëllt d’Regierung net méi Hiewane forméieren?