Questions parlementaires

Wat sinn d’Ursaachen datt de “Lux Future Lab”, eng Institutioun vun der BGL BNP Paribas hei zu Lëtzebuerg, fir Start-Uppen ze fërderen, am Januar seng Dieren definitiv zoumécht?

Firwat ass déi Hëllef iwwer Telefon, wou d’Leit sech iwwer d’Covid-Tester informéiere kënnen, respektiv Rendezvousen fir Tester ufroen, net gratis?

Laut Informatioune vum Gesondheetsministère vum 22. Juli ginn et hei am Land aktuell 33 Clusteren: Dovunner 12 a Schoulen oder Lycéeën. Wat bedeit dat fir d’Preparatioun op d’Schoulrentrée 2020/21?

Ass den Transfert vu perséinlechen Daten an d’USA nach ëmmer méiglech ? Wéi bedeit hei konkret d’Urteel vum Europäesche Geriechtshaff an der Affär Schrems/Facebook ?

Den Educatiounsministère proposéiert Nohëllefsstonnen vum 31. August bis den 11. September. Ginn et genuch Enseignanten fir des Nohëllefsstonnen ze assuréieren? A wéi grouss ass d’Nofro bei de Schüler?

Déi europäesch Kommissioun hat viru Joren déi staatlech Hëllefen fir Fiat an Amazon als illegal erklärt. Wou sinn déi zwou Affairen momentan drun?

Wéi ka verhënnert ginn, dass Lëtzebuerg an Europa « ausgespaart » gëtt?

D’Gewerkschaften a vill Elteren fuerderen säit laangem datt Begleetpersonal an de Schoulbusse vu Kompetenzzentren agesat ginn. Gesinn d’Ministeren keng Noutwendegkeet, Begleetpersonal zur Verfügung ze stellen ? Wann net, wat sinn d’Grënn ?

Produzente vu Schwéngefleesch sinn zënter enger gewëssener Zäit mat engem enorme Präisverfall vun hirem Fleesch konfrontéiert. Ass de Minister gewellt de lëtzebuerger Produzente kuerzfristeg verstäerkt ënnert d’Aarm ze gräifen? Wei kéinten dës Hëllefen ausgesinn?

Wéi eng speziell Autorisatiounen an Derogatiounen goufen et fir d’Liwwerung vu Masken op Lëtzebuerg a koum et zu Fälschunge wat de Label ugeet?