Questions parlementaires

Stëmmt et datt fräiwëlleg Vertrieder vum CGDIS keen automatescht Recht op extraordinaire Congé hunn, wann se an der Nuecht virdru Permanence an hirem jeeweilege CIS haten an aus dem Grond vill Fraen a Männer den Dag no der Permanence iwwermidd op d’Aarbecht goen mussen ?

De Projet Paperless Justice regroupéiert eng Rei vun Initiativen, déi versichen de Pabeierverbrauch an de Justiz unhand vun néien Technologien ze verréngeren. Kann d’Madamm Justizministesch eis informéieren wéi et ëm dëse Projet steet ?

Faillite vu Biocardel S.A. : Huet de Staat d’Subventioun vun 240’000 € zeréck kritt a gehéieren den Terrain an d’Fabrik dem Lëtzebuerger Staat nach?

Lëtzebuerg verléiert 7 Plazen an ass elo 28ten am weltwäiten digitale Classement. Wat sinn d’Ursaachen a wéi wëll d’Regierung reagéieren?

Verwaltungsgeriicht annuléiert Decisioun vum Steierdirekter. Mécht de Finanzminister Appel?

Kierzlech ass eng Parzell mat enger Gréisst vun iwwert engem Hektar an der Gemeng Esch/Sauer, fir Besoin’en vun der Natur- a Bëschverwaltung, vum Staat opkaft ginn. Wëssend, dass op dëser Parzell nëmmen Infrastrukture kënne gebaut ginn, déi een direkte Lien mat der « zone hotelière » hunn, huet de Staat d’Absicht op dëser Parzell eng touristesch Infrastruktur spriech een Hotel opzeriichten ?

Am Joer 2019 waren vun 300 rekrutéierten Enseignant’en 187 Posten mat Quereinsteiger besat ginn. Kann de Minister bei den Verantwortlechen vun der Uni agéieren fir d’Zuel vun den Kandidaten, déi vir d’Formatioun ugeholl ginn an déi de Concours packen, ze erhéijen ?

Wéi eng Uebstzorte ginn am meeschten an d’Schoule geliwwert a gëtt et vill Gaspillage alimentaire beim Schouluebst ?

Stëmmt et datt et geplangt ass 2022, wann Esch europäesch Kulturhaaptstad wäert sinn, d’Zuchstreck Lëtzebuerg Esch-Uelzecht wärend 2 Méint wéinst Aarbechten ze spären ?

Fir wat kënnen Persounen déi sech fest ëm Kanner këmmeren ouni datt et hir leiflech Elteren sinn, net vun den Allocations familiales profitéieren ?