Questions parlementaires

Ass d’Regierung gewëllt der Propositioun vum Observatoire fir Klimapolitik nozekommen fir déi fossil Energien aus dem Wuerekuef fir den Index erauszehuelen?

De Koalitiounsaccord gesäit en neit Konzept fir, dat de Lycéesschüler méi Fräiheet am Choix vun hire Fächer loossen soll. Huet den Educatiounsministère schonns ugefaang mam Ausschaffe vun engem Pilotprojet?

Wéi vill Kanner mat spezifesche Besoinen sinn an de leschte 5 Joer an de reguläre Klassen an der Grondschoul en charge geholl ginn?

Wéi vill Amalgamfëllunge sinn an de leschten 3 Joer zu Lëtzebuerg gemaach ginn?

Kann d’Madamm Ministesch fir Mobilitéit an ëffentlech Aarbechten eis soen ob weiderhi speziell Schutzmesure géint de Kaméidi laanscht d’Liaisoun Micheville virgesi sinn?

Mengt d’Regierung net datt a verschiddenen a spezielle Fäll, de REVIS och un d‘Etudes superieurs Studenten ausbezuelt kéint ginn?

Kann den Här Bildungsminister konfirméieren, datt de Regime vum Enseignement secondaire général am Lënster Lycée ausleeft?

Sinn dem Inneminister Fäll bekannt an deene Gemenge rechtskräfteg Decisioune geholl hunn ouni den Avis vun der Commission d‘aménagement ofzewaarden?

Wéi ass déi aktuell Situatioun an de Prisongen zu Lëtzebuerg ?

Kënnen d‘Ministere confirméieren, dass et zu Verzögerunge bei der Decisioun fir d‘Subventionéierung vu Wärmepompelen komm ass?