Griichenland an TTIP dominéieren d’Emissioun vum CSV Kompetenzteam

D’Kris a Griichenland dominéiert d’Emissioun vum Juli. Nom Nee beim Referendum an och no der Ried vum Premier Tsipras am Europaparlament bleiwe ganz vill Froen op. Griichenland muss Reforme maache fir weider Hëllefen ze kréien. Een anere Sujet an der Emissioun ass den TTIP, wou d’Negociateure vum Parlament elo kloer rout Linne mat an d’Verhandlunge kruten.

De Frank Engel iwwert d’Situatioun a Griicheland

Griicheland ass nach net Faillite. Et gëtt awer een akute Risiko. Dat sot de Frank Engel um Méindeg Moien op RTL Radio Lëtzebuerg.Den CSV Europadeputéierten huet vun totaler Inkompetenz vun der aktueller griichescher Regierung a vun Onwëlle vun enger Partie europäeschen an net europäeschen Institutioune geschwat. Griichenland bräicht een europäesch gesteierten Investitiounsplang.

Konferenz vu Georges Bach a Serge Wilmes iwwert Transportinfrastrukturen

Am Kader vun der Lëtzebuerger EU-Presidence organiséiert d’Direction générale de la traduction vum Europaparlament zu Lëtzebuerg eng Rei Konferenzen. Den CSV Europadeputéierte Georges Bach an den CSV Deputéierten Serge Wilmes hunn engem intresséierte Public Informatiounen iwwert europäesch an national Transportinfrastrukture ginn.

Interventioun vum G. Bach zum Thema Beschäftegungsbedingungen a Mindestloun am Stroossentransport

D’Beschäftegungsbedingungen inklusive Mindestloun am Stroossentransport waren ee Sujet an der Plénière vum Europaparlament zu Bréissel. De Georges Bach huet sech a senger Interventioun fir ee gesetzleche Mindestloun an alle Memberstaaten ausgeschwat. Sozialdumping géif ëmmer méi zouhuelen an Europa.