Griichenland an TTIP dominéieren d’Emissioun vum CSV Kompetenzteam

D’Kris a Griichenland dominéiert d’Emissioun vum Juli. Nom Nee beim Referendum an och no der Ried vum Premier Tsipras am Europaparlament bleiwe ganz vill Froen op. Griichenland muss Reforme maache fir weider Hëllefen ze kréien. Een anere Sujet an der Emissioun ass den TTIP, wou d’Negociateure vum Parlament elo kloer rout Linne mat an d’Verhandlunge kruten.

De Frank Engel iwwert d’Situatioun a Griicheland

Griicheland ass nach net Faillite. Et gëtt awer een akute Risiko. Dat sot de Frank Engel um Méindeg Moien op RTL Radio Lëtzebuerg.Den CSV Europadeputéierten huet vun totaler Inkompetenz vun der aktueller griichescher Regierung a vun Onwëlle vun enger Partie europäeschen an net europäeschen Institutioune geschwat. Griichenland bräicht een europäesch gesteierten Investitiounsplang.

De Bléck op d’Europapolitik mam Kompetenzteam vun der CSV

Wéi all Mount kucken déi 3 CSV Europadeputéiert op d’Aktualitéit an Europa a beäntwerten och d’Froe vun de Leit. Am Mount Juni geet et ëm d’Lëtzebuerger Presidence, de Geoblocking, d’Situatioun a Griichenland an ëm déi däitsch Maut.

Schéckt eis äer Froe fir déi nächst Sendung op europa@csv.lu

Wéi geet et viru mat den iwwerschaffte Passagéierrechter ?

D’Europaparlament huet scho viru 14 Méint den Accord zum Rapport vum Georges Bach iwwert déi iwwerschaffte Passagéierrechter an der Aviatioun ginn. De Conseil huet sech awer nach ëmmer net mam Dossier befaasst. Firwat a wéi kommen d’Passagéier den Ament zu hirem Recht ?

Den Europadeputéierte Georges Bach huet Explikatiounen op enger Pressekonferenz ginn.

Interventioun vum G. Bach zum Thema Beschäftegungsbedingungen a Mindestloun am Stroossentransport

D’Beschäftegungsbedingungen inklusive Mindestloun am Stroossentransport waren ee Sujet an der Plénière vum Europaparlament zu Bréissel. De Georges Bach huet sech a senger Interventioun fir ee gesetzleche Mindestloun an alle Memberstaaten ausgeschwat. Sozialdumping géif ëmmer méi zouhuelen an Europa.