Ouni Meenungsfräiheet, ouni Pressefräiheet ouni Fräiheet am allgemengen gëtt et keng Demokratie. Déi feig terroristesch Attack op d’Redaktioun vu „Charlie Hebdo“ zu Paräis ass domat eng Attack op d’Demokratie. An domat och op all déi Leit, déi dobaussen an och heiheem fir Demokratie a Mënscherechter antrieden.
Den Familljen vun den Affer gehéiert eist déifsten Matgefill.
D’Memberen vun der CSV ruffen ech heimat op, massiv un der Solidaritéits- a Gedenkmanifestatioun en Donneschdeg de Moien em halwer 12 op der Clairefontaine–Platz deelzehuelen.
Mir stinn un der Säit vun eise franséische Frënn a soen Nee zu Extremismus an Fundamentalismus. A mir ënnerstëtzen déi, déi géint Terrorismus kämpfen.
Marc Spautz
CSV-Nationalpresident