Här President,
Esou wéi et am Artikel 80 vum Chambersreglement virgesinn ass, bieden ech Iech dës parlamentaresch Fro un den Här Wunnengsbauminister weiderzeleeden.
De « Syndicat Intercommunal de gestion informatique (SIGI) » ënnerstëtzt Gemengen iwwert hier Plattform SIGINOIVA an der digitaler Ëmsetzung vun de verschiddenen administrative Prozesser am Pacte Logement 2.0 dee säit dem Joer 2021 a Kraaft ass.
Duerch des Plattform soll den Austausch vun Informatiounen an d’Kollaboratioun tëscht de verschiddenen Acteuren déi um Logements-Prozess bedeelegt sinn (Gemengen, Ministère du Logement, etc) vereinfacht an optimiséiert ginn.
Laut mengen Informatioune ginn et awer Problemer beim Remboursement vu Rechnungen u Gemenge well de SIGI déi néideg Informatiounen iwwert hier Plattform SIGINOIVA net un de Logementsministär iwwermëttelt kritt.
An dësem Kontext géif ech gäre follgend Froen un den Här Wunnengsbauminister stellen.
- Kann den Här Minister des Informatioun bestätegen ?
- Wat sinn Grënn déi den Austausch vun Informatiounen tëscht dem SIGI an dem Logementsministär aktuell net erlaben ?
- Wéini ginn des Problemer behuewen ?
Här President, ech bieden Iech mäin déifste Respekt unzehuelen.
Marc Lies
Deputéierten
Zréck