Här President,
Esou wéi den Artikel 80 vum Chambersreglement et virgesäit, bieden ech Iech, dës parlamentaresch Fro un d’Madamm Gesondheetsministesch weiderzeleeden.
Och wann d‘Pandemie lues a lues zréckgeet, ass d’Impfung weider ganz wichteg. Et ginn awer eng Rei Onkloerheeten, wat d’Zousazimpfungen ubelaangt. An deem Kontext wollt ech folgend Froen un d’Madamm Gesondheetsministesch stellen.
- Recommandéiert d’Santé eng 5. Impfung, wann déi betreffend Persoun zwar 4 Mol geimpft ass, awer bis elo nach kee Vaccin krut, deen un d’Omikron-Variant ugepasst ass?
- Wa jo, wat fir Persoune sollen sech eng 5. Kéier impfe loossen?
- Recommandéiert d’Santé eng 4. Impfung, wann déi betreffend Persoun zwar 3 Mol geimpft ass, awer bis elo nach kee Vaccin krut, deen un d’Omikron-Variant ugepasst ass?
- Wa jo, wat fir Persoune sollen sech eng 4. Kéier impfe loossen?
Här President, ech bieden Iech, mäin déifste Respekt unzehuelen.
Claude Wiseler
Deputéierten
Zréck