Questions parlementaires

Déi staatlech garantéiert Prêten fir Betriber a Coronazäiten ze ënnerstëtzen mussen no 6 Joer zréckbezuelt gi sinn. Dat kann awer wéinst de laangfristegen Auswierkungen vun der Kris problematesch fir dës Betriber ginn. Ass et méiglech dës Limitt vun 6 Joer eropzesetzen ?

E Syndicat fir eng Coproprietéit gëtt vun der Generalversammlung fir eng Period vu maximal 3 Joer gewielt. Vill Syndicaten probéieren dës awer ze ëmgoen a maachen der Coproprietéit et schwéier hinne ze kënnegen. Wat gedenkt d’Regierung hei ze ënnerhuelen ?

Am Fall wou e vulnerabelt Kand an den Homeschooling gesat gëtt, kënnen d’Elteren weiderhin vum Congé pour raisons familiales profitéieren?

Stellen d‘Beamten hei zu Lëtzebuerg eng Augmentatioun vum Konsum vun Drogen aus dem Darknet fest? Wei eng Moyen’en huet d‘Police, d‘Douane an d‘Justiz fir dem Trafic aus dem Darknet entgéint ze wierken?

Wéini wäert den Minister eng Waasserstoffstrategie fir Lëtzebuerg virstellen? Wäert sech Lëtzebuerg an dësem Kontext un europäeschen Projeten bedeelegen?

Verschlechterung vun den Aarbechtskonditioune vum edukativen a psychosoziale Personal : Wéi reagéiert de Ministère op d’Fuerderunge vun de Gewerkschaften?

Ass de Konsum vun Alkohol a Pëlle während der Corona-Pandemie an d’Luucht gaangen ?

Am Kader vum « Pacte Logement » sinn an de Joren 2008 – 2017 anscheinend eng 88 Konventiounen bei der Erstellung vun engem PAP tëscht deene jeeweilege Gemengen a Baupromoteuren a Bezuch op déi 10% « Logement à coût modéré » erstallt ginn. Kann den zoustännege Minister versécheren datt déi an där jeeweileger Konventioun fixéiert Präisser och esou applizéiert gi sinn?

Kann d’Madamm Ministesch confirméieren datt et Fäll goufen an deenen Leit déi mat där selwechter infizéierter Persoun a vergläichbarer Art a Weis a Kontakt waren ënnerschiddlech behandelt goufen? Falls jo, wat sinn d’Grënn vir dës ënnerschiddlech Handhabung am Contact-Tracing?

Mam Plang “Pan-Bio 2025” wëll den Landwirtschaftsminister lokal a biologesch Produiten fërderen. Wéi wäit ass de Minister mat senge Piloteprojeten a wéini kënnen dës lancéiert ginn ?