Questions parlementaires

Wat gedenkt d’Regierung ze maachen fir der Feinstaubbelaaschtung duerch Autoe mat enger Batterie entgéint ze steieren ?

Wat mëscht d’Regierung fir géint d’Verschmotzung, déi duerch duerch Zigarettenstëmp entsteet, virzegoen ?

Duerch d’Verlängerung vum Verbuet vu Klappjuegte riskéiert de Wëldschued op de landwirtschaftleche Flächen an nächster Zäit staark zouzehuelen. Ass et net méiglech de betraffene Baueren eng eemoleg Entschiedegung fir den entstanene Wëldschued op hirer landwirtschaftleche Flächen zoukommen ze loossen ?

Wäert am Joer 2021 bei der Eisebunn op glyphosathaltege Sprëtzmëttel respektiv op aanere Pflanzeschutzmettel verzicht ginn ?

Plangt d’Regierung en extraen Aspeisetariff fir Solaranlage mat enger West- oder Ost-Ausriichtung fir esou d’Produktioun vu Solarstroum besser iwwert den Dag ze verdeelen ?

Wéi ass d’Positioun vun der Lëtzebuerger Regierung zu engem Verbuet bei Neizouloossung vun Autoe mat Verbrennungsmotoren?

Ass e Réckgang an der Schëfffahrt a beim Wuerentransport op der Musel zënter dem Ufank vun de Beschränkungen duerch d’Pandemie ze verzeechnen? Wa jo, wat heescht dat fir d’lëtzebuerger Muselschleisen?

Benevolen fuerderen eng besser Organisatioun vum Benevolat am Allgemengen, d’Aféieren vun enger „flächendeckend Assurance“ respektiv eng Validation des acquis de l’expérience. Wat ass d‘ Positioun vun der Familljeministesch zu dëse Proposen?

Stëmmt et datt ze vill Grippe-Vaccine bestallt goufen? Wa jo, wéi vill Vaccine goufen ze vill bestallt? Wat ass de Käschtepunkt?

Leider mussen a verschiddene Spideeler rëm Operatiounen ofgesot ginn. Huet d’Regierung ze spéit reagéiert, keng Mesuren agefouert wéi et noutwendeg war an d’Zuelen héich waren, an dofir kënnt et lo zu enger Iwwerlaaschtung vum Spidolssecteur ?