Formatiounen

Mat der CSV-Akademie offréiere mir alle Memberen en interessanten a breede Formatiounsprogramm. Dobäi stinn d’Gemengewahlen dëst Joer natierlech am Mëttelpunkt. Esou hu mir am Fréijoer Formatioune besonnesch fir all d‘Kandidaten an de Gemengewahlen vum 8. Oktober 2017 proposéiert.

D‘Formatiounen waren op dräi Pillieren opgebaut:

  • F1 – Perséinlecht Optrieden a Rhetorik,
  • F2 – Publizitéit a Kommunikatioun an der Wahlkampagne,
  • F3 – Kompetenze vun de Gemengen an hire praktesche Fonctionnement

Virun de Gemengewahlen sinn elo nach zwou speziell Formatioune geplangt:

Gemengewahlen: Tipps fir nei Kandidaten (8. Juli 2017)

Als neie Kandidat gëtt een an der éischter Wahlcampagne dacks an d’kaalt Waasser gehäit an et stellt een sech ufanks vill Froen:

  • Wéi soll ech mech als neie Kandidat verhalen?
  • Wéi kann ech (grad och als jonke Kandidat) meng Iddien erabréngen?
  • Verstinn ech iwwerhaapt genuch vu Politik?
  • Wat hëlleft fir gewielt ze ginn? Wéi präsent soll ech bei Manifestatiounen an an de sozialen Netzwierker sinn?
  • …No e puer Wochen intensiver Campagne ass de Wahldag do, an da kann et op eemol ganz séier goen an et ass ee gewielt.
  • Wéi ginn ech mat mengem Resultat em?
  • Wat brauch ech an der Politik?

Dës Formatioun besteet aus engem Erfahrungsaustausch mam Fréd Ternes (30 Joer), Schäffen an der Gemeng Nidderaanwen, a probéiert e puer Äntwerten op Är Froen ze ginn.

Dëst e Samschdeg, 8. Juli, vun 09:00 bis 12:00 an der aler Schoul zu Hueschtert (vis-à-vis vun der Kierch – 6, rue principale L-6990 Hostert (Niederanven).

Mellt Iech w.e.g. am Generalsekretariat bis en Donneschdeg, 6. Juli, un (225731-1 / csv@csv.lu).

Formatiounsmoien iwwert d’Gemengewahlen (2. September 2017)

D’Formatiounen am Kader vun der CSV-Akademie stoungen am Hierscht 2016 an am Fréijoer 2017 ganz am Zeeche vun de Gemengewahlen. Fir awer och deene Kandidaten, déi méi spéit designéiert goufen, nach d’Méiglechkeet ze ginn, u Formatiounen deelzehuelen, organiséiere mir e Samschdeg, 2. September, e Formatiounsmoien iwwert d‘Gemengefinanzen, d‘Gemengen an hirem deegleche Fonctionnement, d‘Gemengekompetenzen an iwwer Kommunikatioun a perséinlecht Optrieden.

Méi Informatioune kommen nach no. Mellt Iech am Generalsekretariat bis Donneschdeg, 31. August, un (225731-1 / csv@csv.lu).