Här President,
Esou wéi den Artikel 80 vum Chambersreglement et virgesäit, bieden ech Iech, dës parlamentaresch Fro un den Här Minister fir Energie a Landesplanung weiderzeleeden.
An de leschten Deeg a Woche koum et e puer Mol zu gréissere Stroumpannen op verschiddene Plazen am Land, dorënner Diddeleng, Käl, Ell, Réiden a Rammerech, fir e puer Beispiller ze nennen. Plazeweis hate ganz Uertschafte keen Elektresch.
An deem Kontext wéilt ech folgend Froen un den Här Minister fir Energie a Landesplanung stellen :
- Kann den Här Minister mech iwwer d’Grënn vun dëse Stroumpannen opklären ?
- Gëtt et e Problem mam Stroumnetz ?
- Wa jo, duerch wat sinn dës Problemer bedéngt ?
- A wat gëtt aktuell ënnerholl, fir d’Stroumnetz beschtméiglech ze stabiliséieren ?
- Wéi vill Stroumpanne goufen dëst Joer bis elo landeswäit verzeechent ?
- Wéi laang huet et an der Moyenne gedauert, bis se behuewe waren ?
- Wéi läit d’Unzuel vu Stroumpannen dëst Joer am Verglach mam selwechten Zäitraum vum leschte Joer ?
Här President, ech bieden Iech, mäin déifste Respekt unzehuelen.
Marc Spautz
Zréck