Här President,
Esou wéi den Artikel 84 vum Chambersreglement et virgesäit, bieden ech Iech folgend dringend parlamentaresch Fro un d‘ Madamm Familljeministesch weiderzeleeden.
Eisen Informatiounen no sëtzen eng Rei Alters- a Fleegeheimer fir di nächst 3 Wochen erëm inviduell Gesondheetsmesüren en place fir de Covid-19 anzedämmen. Dëst beinhalt ënnerschiddlech Oploen fir Visitten respektiv Quarantänsmesuren.
An dësem Kontext well ech folgend Froen un d‘ Madamm Familljeministesch stellen:
– Ass dës Virgoensweis vun den Haiser am Aklang mat enger gesamter nationaler Covid19 Strategie?
– Wéi ass d‘ Positioun vun der Madamm Ministesch fir hei Sécherheet a Fräiheet an en Aklang ze kréien?
Mat déifstem Respekt,
Marc Spautz
Deputéierten
Zréck