Agenda

Wéi mir d’Mënschlechkeet erhalen a stäerken. 

Wat dierfe mir de Maschinnen iwwerloossen? Wéi eng Decisioune musse beim Mënsch bleiwen? No wat sollen sech esouwuel d’Maschinnen ewéi och d’Mënsche riichten? 

Mat der "Magnifica humanitas“ huet de Poopst Leo XIV. seng éischt Enzyklika fir d’Erhale vum Mënsch am Zäitalter vun der Kënschtlecher Intelligenz erausbruecht. Säi Message: Technik ass net neutral. Si ka Gerechtegkeet fërderen oder Ausgrenzung verstäerken, a se däerf de Mënsch ni beherrschen. 

Dëse Froe gi mir, op Basis vun eise chrëschtlech-soziale Grondwäerter an och mat Bléck op d’Enzyklika, no. 

Mat dem Dr. Marco Schrage, Gaaschtprofesser un der Accademia Alfonsiana zu Roum

Méi Informatiounen op https://csv.lu/ki

Wou steet Europa vis-à-vis vun den USA a China? 

Kënschtlech Intelligenz ass net nëmmen eng technologesch Entwécklung. Si ass och zu enger wirtschaftlecher a strategescher Fro ginn. D’USA a China investéiere massiv an nei KI-Modeller, Chips, Daten a Recheninfrastruktur. 

Europa wëll innovativ a kompetitiv bleiwen an dobäi seng eegen Interessen a Reegelen assuréieren. Wou steet Europa haut? Wéi ofhängeg si mir vun Technologien aus anere Weltregiounen? A wéi kënne mir technologesch handlungsfäeg bleiwen?

En Owend iwwer Innovatioun, Kompetitivitéit, Regulatioun an d’Plaz vun Europa an enger Welt, déi ëmmer méi vu KI geprägt gëtt. 

Mat dem Viviane Reding, fréier EU-Kommissärin a Presidentin vum TechEU Advisory Council vun der Europäescher Zentralbank

Méi Informatiounen op https://csv.lu/ki

Wat musse mir elo konkret maachen? Nom Bléck op d’Technologie, déi ethesch Froen an Europa gëtt et konkret: Wat bedeit KI fir Lëtzebuerg?

Wéi kënne Betriber a PME vun der KI profitéieren? Wéi verännert sech eis Aarbechtswelt? Wéi eng Kompetenze brauche mir muer? A wéi kënnen de Staat, d’Fuerschung an d’Wirtschaft KI verantwortungsvoll an effizient asetzen? 

Den Ofschloss vun der Serie kuckt op déi national KI-Strategie, d’Wirtschaft, Aarbechtsplazen, Formatioun, Fuerschung, Infrastruktur an den ëffentleche Secteur. 

D’Fro ass net méi nëmmen, wat KI kann, mee wéi eng Zukunft mir mat der KI zu Lëtzebuerg gestalte kënnen. 

Mat dem Elisabeth Margue, Delegéiert Ministesch beim Premierminister fir Medien a Connectivitéit.

Méi Informatiounen op https://csv.lu/ki