„Ausser bei de Käpp ass vun engem Renouveau bei dëser Regierung net vill ze gesinn. D’Politik ass eng vun der Kontinuitéit, eng, déi op de Viraarbechte vun der leschter Regierung opbaut a wou vill Propositiounen och am CSV-Wahlprogramm erëmzefanne sinn. Sief et bei der Verfassungsreform, beim Staatsbudget oder och der Simplification administrative. Esou ass dës Regierung sécher keng vun der Erneierung, héchstens vun der Erweiderung.“
De CSV-Fraktiounspresident Jean-Claude Juncker reagéiert an der Chamber op d’Regierungserklärung an de Koalitiounsaccord vun der Regierung.